Posts gesorteerd op relevantie tonen voor zoekopdracht mellendijk. Sorteren op datum Alle posts tonen
Posts gesorteerd op relevantie tonen voor zoekopdracht mellendijk. Sorteren op datum Alle posts tonen

Kalm an Calmejane

Veer kilometer veur de meet
krig e 't gat met den makker
net neet dichte

Mien jong mek gin misbruuk van ander
mans kamp met ellende. Kramp in
de bene. Mangs

roek ik, zie ik dat Robert ok
neet zo okselfris meer kan waen!
Calmejane.

Kalm maor an!

Zag i-j dat ok? Hie ontplofte
'n' betjen op de letste glooi
in de finale.

Eigenluk leep e achter de
feiten an. Maor 'n tweede plek
ok lang neet gek

Maa'n nemt e 'n snipperdag


Post-it notities gevonden in keuken van Ria Gesink,
toegedicht aan de moeder van Robert.


California dreamin'

L.A., 20 mei 2012 | ronde van Californië

Mien Zabriskie punten vast 'eholden.
Mount Baldy, miek mien peute baldaodeg;
ònder de top demarreren.
David, Tejay 'k zal ze leren!
't Gif 'n supergevuul, ..

Ik bun d'r nog neet helemaols klaor met
Maor toch, ...
'tWerd jao ok haost tied um te winnen.

Van 'on such a winter's day'
töt 'on a winners day'.


Gevonden op een kladje
somewhere in L.A.
Toegedicht aan Robert Gesink.


Ups and downs

Down under naor beneden
geklatst. Dat dut pien.

Niks blif mi-j mangs bespaord;
gebrokken pols, scheurtje in de ellepijp
gebrokken baovenbeen, pien an de ribben
knie en hoofdblessure, breuk in wervelkolom
slöttelbeen en gebrokken ribben
bekken en nogmaals slöttelbeen
scholderblessure en hersenschudding.

En now dan weer ’n bekkenbreuk.

As ik val
is 't ok
altied raak.

Stil liggen 
is nòw mien
biotoop.

Maor dan, jao
maor dan éuh.

Wi-j zeet ons
dan weer in 
de vuelta of
mangs eerder.

‘t Is ‘n mooie breuk
’t schaambeen niet
‘t bot waor ‘j op zit.


Life is like a kangaroo
always up and down.



tekst gevonden in Tanunda, na eerste etappe tour Down Under 2023, 
geschreven op een notitieblaadje, toegedicht aan Robert Gesink.



Nomen est omen

Op Sinderen, Harterinkdijk, 1960

A'j good kiekt en vuult
met òw stroeve ogen
zie'j 't olde litteiken.
Op di-j, 't baovenbeen.

Wreed wreef i-j 't uut
nao de val in 't punt
draod, weerbarsteg
as in 'n good gedicht.

Ik dacht er weer aan
bij de lancering,
de landing van de
Zeeuw. Zenuwen lijden,
gelittekend de reet.

Jezus, Sebastiaan,
Saint Hoogerland.


Renaissance

De tour volgen ik op tv.
Hersenschudding verduustern
mien zommerse hop op better.
Maor dan opens vuul ik 't weer.

Jao, dat bun ikke.
't Terugkomblaag Robert
hef zien vette vis.

As 'n klassementsrenner
krie'j gin dagpriezen zo snel.
As alles mangs samenkump op
zo'n superlastige dag.

Jao, dat bun ikke.
't Terugkomblaag Robert
hef zien vette vis.

Jao, dat is supermooi, jao!
Endelek heb ik 'm dan.
't Drei'jt uutendelek  wel um
winnen en wat dat losmek.

Jao, dat bun ikke.
't Terugkomblaag Robert
hef zien vette vis.

En 't gekke is dank al dee
tegenslag was ik nog nooit
zo fris en kon'k op rittenjacht.
Ik bun herboren! Jao, jao.

Jao, dat bun ikke.
't Terugkomblaag Robert
hef zien vette vis.

 'n Spaanse Koninginnenrit.

Krabbels op een geeltje gevonden
door Arjan Schouten op de top
van de Aubisque, toegedicht
aan Robert Gesink. 


Hans Mellendijk

Als ik val

vlak veur mí-j
'n man of veer
ik d'r aover heer
eig'luk helemaol
neet zo oer
endig hard
met de kónt
op 't asfalt
& 't schut
dwars deur mien
lief, mien rug
kats van 't perceel

às ik val
is 't ok
altied raak

stil liggen =
is nòw mien
biotoop.

maor dan, jao
maor dan éuh

wi-j zeet ons
dan weer in
de vuelta.


Krabbels op bedlaken geschreven, in blauwe inkt met 'n BIC.
Gevonden in wasmand van ziekenhuis te Oyonnax,
toegedicht aan Robert Gesink, 09-07-2017.